Хәажәкыр 29, 2024

Актәи аҭыԥ иаԥсахаз

Ажьырныҳәа 22, 2019 513

2018 шықәса ноиабр 27 рзы ихыркәшахеит аинтернет-форум «Ашьапылампыл - аспорт, аҟазара, арҿиара» ҳәа захьӡыз Жәларбжьаратәи апроект. Апроект авторцәас, еиҿкаҩцәас иаман И. В. Варрава ихьӡ зху Краснодартәи атәылаҿацә аҿартә библиотека аусзуҩцәа. И. Гь. Папасқьыр ихьӡ зху Амилаҭтә библиотека есышықәса рҽаладырхәуеит аинтернет-форум. Уи иадрыԥхьалоит абибоилтека аԥхьаҩцәеи, иара убас аусзуҩцәеи. Урҭ хымԥада иааныркылоит аԥхьахәқәа.

Афорум хықәкыс иамоуп амилаҭқәа зегьы рыҩнуҵҟа аҿар резааигәатәра, ркультуреи рлитературеи реимадара. Аԥснынтәи есышықәса еиуеиԥшым атемақәа рыла иддырдыруеит ҳкультуреи ҳлитературеи. Сынтәа иазкын Аԥсны ашьапылампыл аҭоурых аарԥшра. Афорум иамоуп аноминациақәа, уи иуеилнаркаауеит доусу итәыла иамоу атрадициақәа.

2016 шықәса раахеижьҭеи Краснодартәи атәылаҿацә аҿартә библиотека И. Ф. Варавва ихьӡ зху еиҿнакаауа Жәларбжьаратәи апроект «Аевразиатә библиотекатә интернет-форум» сынтәа иахьӡын «Ашьапылампыл - аспорт, аҟазара, арҿиара еиднакилоит» ҳәа. Иалахәын: Аԥсны, Беларуссиа, Казахсҭан атәылақәа, иара убас Урыстәыла. Афорум аихшьаала аҟаҵара иазкны аиԥылара мҩаԥган аҳәынҭқаррақәа рҟынтәи иалахәыз ахьубаша аекран ду аҿы авидеоконференциа аформа ала. Аԥсны уи аҩыза алшара рыман  имҩаԥыргарц аинформациатә агентра «Спутник Абхазия» азал аҟны, аинтернет еимадаратә цҳала. Уи иалахәын Амилаҭтә библиотека аиҳабы Борис Ҷолариа раԥхьа днаргыланы иусзуҩцәеи, иара убас Аҿар руси аспорти рзы Аҳәынҭқарра ахеилак ахантәаҩы ихаҭыԥуаҩ, асоветтә шьапылампыл асҩы, Аҟәатәи «Динамо» ахәмарҩы Рафаель Амԥари, аспортсмен ҿа, абиблиотека аԥхьаҩ Ерик Кеилиани. Уи сынтәатәи антернет-форум аҿы «Иҿоу автор» иноминациала актәи аҭыԥ ааникылеит.

Убри инамаданы 2019 шықәса ианвар 22 рзы И. Гь. Папасқьыр ихьӡ зху Амилаҭтә библиотекаҿы имҩаԥган Краснодарынтәи изаарышьҭыз Ерик Кеилиан дзыԥсахаз иҳамҭа афото ҭыхга ацифровик ҳәа изышьҭои адипломи. Уи ианалшьеит апроект Аԥснынтәи анапхгара азҭо еиҿызкаауа Амилаҭтә библиотека аҟны аус зуа Амилаҭтә литрература аҟәша анапхгаҩы Ламзира Шьынқәба. Ерик дазыԥшымызт ари аҩыза аҳамҭа, уи гәахәарыла идикылеит, аиҿкааҩцәа зегьы иҭабуп ҳәа реиҳәеит.

Last modified on Woensdag, 23 Ажьырныҳәа 2019 14:26

Please publish modules in offcanvas position.

Яндекс.Метрика