И. Гь. Папасқьыр ихьӡ зху Амилаҭтә библиотека аколлектив аиҳабы Борис Шьаликәа-иԥа Ҷолариа раԥхьа днаргыланы гәык-ԥсыкала ишәыдаҳныҳәалоит: ҳаԥхьаҩцәа, ҳколлегацәа, Аԥсны иқәынхо ажәларқәа зегьы, ҳазҭало Ашықәс ҿыц 2019-тәи ашықәс. Инаскьаҳго ашықәс азы иҟаз ацәгьарақәа зегьы 2018-тәи ашықәс иагааит. Ҳазҭало ашықәс ҿыц шаҟа гәыӷра ацузеи. Аԥсҭазаараҿы зегьы гәҭакык-гәҭакык рымоуп, иааиуа ашықәс азы дарбанызаалак ауаҩы игәаҳәарақәа нагӡахааит. Шәыԥсҭазаараҿы иҟалааит аиҭакрақәа, шәылаӷьырӡ анкаҭәо агәырӷьара иатәхааит, ахысбыжь анго аҵеи иира иазкхааит, еиҵыҵааит Аԥсынра ишәҭааит, икакаҷааит.

Абиблиотека азыҳәан, аԥхьаҩцәа рацәаҩхо, ҵара-дыррала еизҳауа Анцәа иҟаиҵааит. Ишәзеиӷьаҳшьоит агәамчи агәабзиареи, иманшәалазааит шәусқәа, ишәыгымзааит агәырӷьара, анасыԥ лаша, аҭынчра! Аԥхьаҩцәа ҩаԥхьа ҳашәзыԥшуп 2019 шықәсазы шәгәалаҟазаара бзианы, гәырӷьарыла, гәырҭәыла.

Ҽаанбзиала!!!