Даниз ашықәс, дахьиз: 1965 шықәса Лаҵарамза 24 рзы Очамчыра араион Беслахә ақыҭан.

Иреиҳау аҵара: далгахьеит Аԥснытәи аҳәынҭқарратә университет, афилологиатә факультет, аԥсуа бызшәеи алитературеи азанааҭ ала.

Аџьатә мҩа: 1989-1994 шықәсқәа рзы аус луан аԥсуа бызшәеи алитературеи рҵаҩыс. 1994-1998 шықәсқәа аус луан Аԥсны аҳауагәаҭарҭатә станциаҿ. 1999 шықәса инаркны 2007 шықәсанӡа Амилаҭтә библиотекаҿы, абиблиотекар хадас амилаҭтә литература аҟәшаҿы. 2007 шықәса раахыс абиблиотекар хадас ашәҟәытә палата аҟәшаҿы.

Аҭҵаарадырратә зҿлымҳарақәа реикәшара: еиқәлыршәеит, аԥсуа критик Р. Қапба 70-шықәса ихыҵра иазку абиблиотграфиатә рбагеи, Аԥсны жәлар рпоет Б. Шьынқәба 90-шықәса ихыҵра иазку абиблиографиатә рбагеи. Амилаҭтә библиотека 90-шықәса ахыҵразы еиқәдыршәаз абуклет аиқәыршәара далахәын. 2005 шықәса раахыс есышықәса иҭыҵуа «Акрызҵазкуа арыцхәқәа рамзар» аиҭалгара лнапы алакуп.

Атәым бызшәақәа рдырра: анемец бызшәеи англыз бызшәеи (ажәар лыцырхырааны).

Аҭаацәаратә ҭагылазаашьа: длымоуп аԥа, ҩыџьа амоҭацәа драндууп.