Амра кахха иԥхоит, аԥҭақәа ахыҵит, амшын ԥшьаала ицәқәырԥоит, ашәҭқәа шәҭит, аҵлақәа рҽеиларҳәеит, иааит ааԥынра. Март 8 аныҳәа амш аҽны, ҳаҭыр зқәу аҳәса, иахьа ҳара иҳамшун, ҳаччабжь ықәыҩлааит есымшааира Аԥсынра!

Ишәыдышәкыл адныҳәалара...

И. Гь. Папасқьыр ихьӡ зху Амилаҭтә библиотека аиҳабы Борис Ҷолариа аколлектив ирыдиныҳәалеит Март 8. Ари абиблиотека аколлектив аҟны аус зуа аҳәса рацәоуп, уи ирзааихәеит ашәҭшьыҵәрақәа, зегь иреиӷьыз ачыс ԥшӡаӡа, ихааӡа. Б. Шьаликәа-иԥа иколлектив ирзеиӷьишьаз ажәақәа: «Ҳаҭыр зқәу сколлегацәа, ишәыдысныҳәалоит ааԥынтәи Жәларбжьаратәи аныҳәа, шәара шәымш Март 8. Ишәзеиӷьысшьоит агәабзиара, агәамч, анасыԥ, аҭынчра, шәыҩнаҭақәа лашахааит, есымша аныҳәатә гәалаҟазаара шәымазааит...» Аколлектив ахьӡала иацаҳҵарц ҳалшоит, ҳанацәа, ҳаҳәшьцәа ҳандуцәа  шәадныҳәалаз, зегь раҵкьыс ишԥӡоу ари аныҳәа Март 8.