Хәажәкыр 28, 2024

Абиблиотека аҩнуҵҟа аекскурсиа

Ажьырныҳәа 25, 2018 475

Ҳаҭыр зқәу ҳаԥхьаҩцәа, шәааи ҳаалеи-ҩеип ҳбиблиотека аҩнуҵҟа. Ишәбап ҿыцси интересси иҳамоу аинформациа шәара шәзы. Аԥсуа литература ашьаҭаркҩы Д. И. Гәлиа ишиҳәаз, еиԥш «Аҵара лашароуп - ҵарада лашьцароуп» ҳәа, шәара ижәдыруеит ҵарада, шәҟәыда, информациада ауаҩы ихдыррагь зеизҳаум, аҳәынҭқаррагь зыҿиом.

Актәи аихагылаҿы уахьааҩнало итәоуп ҩыџьа аҭыԥҳа Аҭаҩырҭатә ҟәша аусзуҩцәа, урҭ аԥхьаҩ дҭарыҩуеит амҩа дықәырҵоит ииҭаху ашәҟәы ахьыҟоу аҟәшахьы.

Урҭ уанаарывслакь улаԥш иҵашәоит астиллажқәа ашәҟәқәа зықәгыло, араҵәҟьа аԥхьаҩ игәаԥхаз ашәҟәы аақәыхны илшоит даԥхьарц, мамзаргьы аҩныҟа игарц.

Аҩбатәи аихагыла. Апериодикатә кьыԥхь аҟәшахьы

Апериодикатә кьыԥхь аҟәша аҟны иаадыртит «Адунеизегьтәи абиблиотека ус» ҳәа захьӡу ацәыргақәҵа. Ара иубиот абиблиотекатә ус иазку зну ажурналқәа, ашәҟәқәа. Абра иалшоит иудырырц ҳбиблиотека аҭоурых, иара убас уаԥхьартә аҭагылазаашьа ыҟоуп ажәабжь ҿыцқәа зну Аԥсны апресса.

Иара убри аихагылаҿ иҟоуп атәымбызшәақәа рыҟәша, еиуеиԥшым 57- тәымбызшәала иҩу ашәҟәқәа, убри алагьы иубоит апланета ааџьоушьаратәы ишыҟоу. Улаԥш ақәымшәарц залшом «Абызшәақәа зегь рыла Аԥсны иазкны» еиҿкаау ацәыргақәҵа. Ашәҟәқәа: афранцыз, анемец, англыз, аҭырқә бызшәақәа рыла иуанаҳәоит Аԥсны Асоветтә период инаркны иахьа уажәраанӡа иахнагаз аҭоурых, Адунеи ду ишадыруа ари аҳәынҭқарра хәыҷы.

Ҳхалап ахԥатәи аихагылахь...

Акомпиоутер информациатә технологиа аҟәша адагьы, ари аихагылаҿы илашаӡа, иԥшӡаӡа еиҿкаауп аԥхьарҭатә зал. Ухы иаурхәар ҟалоит акомпиутер, мамзаргьы ашәҟәы уаԥхьарц даара ауаҩы игәы иақәшәо иҟаҵоуп акомфорттә тмосферала. Аҟәша аусзуҩцәа еиҿкааны ирымоуп ҩ-цәыргақәҵак: В. С. Висоцкии А. И. Сложеницини ирызкны. Урҭ еицырдыруа ауаа рырҿиаратә мҩеи рҩымҭақәеи зну ашәҟәқәа зегьы, иара убри ашәшаҿы ирымоуп.

Аԥшьбатәи аихагыла Амилаҭтә библиотека агәеисырҭа.

Амилаҭтә литературеи аҳәынҭқарратә библиографиа асектори рыҟәшаҿы ишәыԥшаарц шәылшоит иарбанзаалак аинформациа Аԥсны иазкны. Ауада уахьыныҩнало игылоп Аԥсны Раԥхьатәи Ахада Владислав Арӡынба изкны есымшатәи ацәыргақәҵа, уа иубоит Аԥсны Афырхаҵа иԥсҭазааратә мҩа. Анаҩс иашьҭанеиуеит, абас еиԥш ахы змоу ацәыргақәҵатә стилаж «Ашәҟә ҿыцқәа» ҳәа. Араҟа ҿыц ироуз ашәҟәы ҭыжьымҭақәа ахьубо ауп. Аҟәша аусзуҩцәа реиҳабы Ламзира Шьынқәырԥҳа раԥхьа днаргылан азҿлымҳара ду арҭоит аԥхьаҩ имаҵ аушьа, деиҭахынҳәыртә еиԥш гәыблырак изныжьра...

Шәылбаарц шәылшоит алифт ала...

Ҳаҭыр зқәу аԥхьаҩ! Абиблиотека аҩнуҵҟа аекскурсиа, абас ала ихыркәшоуп. Агәра ҳгоит шьҭа ишыжәдыруа, шәзыԥхьаран ишәҭаху ашәҟәы иарбан ҟәшоу, иарбан еихагылоу иахьыҟоу. Ҳашәзыԥшуп! Бзиала шәаабеит!

        

 

 

Last modified on Dinsdag, 16 Жьҭаара 2018 11:46

Please publish modules in offcanvas position.

Яндекс.Метрика